打油诗 之 打工仔惨况
2007-8-24 16:24 有朋友e-mail畀我架...大家分享下啦
如今打工甚凄凉 返工惨过去打仗
其实只系为两餐 唔系打劫唔系抢 （唔：不。系：是）
只望两老能安乐 养妻活儿咁平常
究竟有乜咁哀伤 不如大家来参详 （咁：这么）
搵工已经够惆怅 见工更如入坟场 （搵：找）
首先唔好太衰相 十八武艺要高强
天文地理计算机科 AQ EQ 加智商
多国语文要熟练 "今晚打老虎"够响
考你乜叫甲骨文 唔系上市软件商 （乜：啥）
JAVA可以边度搵 唔响印度尼西亚系太阳
看更原来识鸡肠 扫地都要写文章
学士硕士唔馨香 因为博士都在场 （馨香：吃香）
人工一定唔理想 七仟左右已中上 （人工：工资）
十二个月无双粮 两年合约要装香
半年之内有工返 已经算系好收场
开工应该喜洋洋 点知世态更炎凉 （点：怎么）
管理之名样样理 万人之下一人上
资源增值好榜样 以为发挥你所长
光管烧左等你换 影印食纸你当殃 （光管：日光灯管。左：了。食纸：卡纸）
电话唔通都关事 水厕唔通你清场
计算机坏左要识整 发现病毒要早响
食饭最多半个钟 大小二便难舒畅
中港两地四围走 迟早去阿塞拜疆
仲要出街收烂账 朝早做到午夜场 （仲：还）
公司人事要搅好 唔系就李代桃僵
对付下属要赞赏 对住上司要赞扬
对待同事要礼让 对住老板扮羔羊
老细个仔问功课 资料搜集你擅长 （老细：老板）
芝麻小事难卸责 唔识都要顶硬上
上司老板够无良 病都要做鬼体谅
同事犯错有你份 仲要闹你正粉肠
开会犹如打靶场 比人插到啪啪响
翻开肚皮睇全相 闹完仲要拍手掌 （睇：看）
工余进修系妄想 回家食饭无相量
想话请假来休养 老细面似屎一样
晚晚加班做七日 唔通个个嫌命长 （唔通：难道）
日日返工似丧尸 十足几年无冲凉
大假以为好安乐 手提电话日日响
运动要响公司做 逐箱"快劳"搬埋墙 （快劳：文件夹，File也）
老细生日当娱乐 周年聚餐齐欢唱
笑脸迎人装模样 当正自己做欢场
以上所讲无夸张 全是打工众生相
奉劝各位打工仔 积极求存为至上
年尾流流高危日 偷懒都系咪咁扬
香港打工系咁样 大声疾呼--吹X 涨
香港楼市打油诗
寄韵港女打油诗
自作几篇有关香港楼市既打油诗
惟不保证内容之真确性
望政府,发展商,代理,炒家,用家,相关人士勿插
政府篇
唉~~
香港近年既经济 好似高速sir滑梯
八万五千系祸胎 沙士直插到谷底（八万五千：指老董建公屋政策。专家中产纷纷把金融风暴的祸害说成是政府大建公屋弄得楼市及股市塌台）
加埋政制有流弊 畸形选举围委喂 （加埋：加上）
几百选委圈子细 地产富商权势大
特首连任睇形势 出手明益地产界（明益：明摆着让……受益）
房屋政策已经废 兼夹错左唔会改
养埋成班擦鞋仔 净系识得lai鞋底
超仔彤叔砌两砌 就有好野推出台
地积比率加Ｄ黎 兼送露台俾你卖（加Ｄ黎：加一些。俾：给）
官商勾结过晒界 仲话佢地依足例（佢地：他们）
佢地想点容易睇 担定凳仔霸定位
退休之后冇世艺 过去佢度做马仔
舒适生活好富泰 打工好过做皇帝
上梁不正下梁歪 麻鹰唔管管鸡仔
代理监管好失败 无权无势好废柴
有乜投诉打上台 官腔回应似佛偈
样样都话冇关系 查来查去搞好耐（耐：久）
证实Ａ准有违规 顶笼都系停佢牌
发展商篇
唉~~
地产商家真巴闭 香港楼市佢玩晒（晒：完，够）
房局高官任指挥 利益输送似速递
屋苑个名乱咁改 曼克顿楼在九西
一号地段叫银蟹 马尺Ｘ门都用埋
求求其其叫设计 根本就系冇智能（求其：随便）
一字排开挡风势 厨厕可以冇窗开
十呎楼底有乜为 个厅窄到摆折台
超大会所金玉砌 泳池深度得一米
建筑面积大一大 实用面积任佢计
可用面积己经低 仲要扣埋大露台
开盘卖楼真诡伪 等到半夜先至开
想要价单冇得派 得个模型可以睇
真假消息来做势 天价成交做话题
搵个鬼婆扮高贵 白白晒埋广告费（鬼婆：洋女人）
呎价贵到黐晒肺 质素差到冇眼睇（黐晒肺：离谱）
搞到有楼冇人买 年尾股东要交代
去货就要谂谂计 改名重推送优惠
加埋劈价先够快 劈完一剂又一剂
首批友好全瓜柴 后上fan屎又钉盖
楼市低处未算低 可笑楼花变花蟹
地产代理篇
唉~~
港产代理奇呢怪 一千几百买个牌
个样睇落好诙谐 食烟烂口巴很闭（睇落：看上去）
外表其实冇所谓 知书识礼最可贵
点知趋炎兼附势 西装底下心肠坏
逢亲开盘走晒黎 街头街尾佢霸晒
人手够多够气势 打交抢客嘈嘈闭
明明讲左话唔买 跟人跟足九条街
佢话辛苦有车载 又话现场有野派
总之就系昆人买 唔买俾佢闹**
卒之有客走埋来 开口埋口叫老细
查实个人好虚伪 心谂冇钱咪黎睇
终于搵到个傻仔 即刻仆埋围住砌
花言巧语全出齐 扣住证件局你买
几百万楼话唔贵 指住幅图猛话抵
催住快签买卖契 按揭杂费迟Ｄ计
缩水漏水冇问题 就算有都佢包晒
一话减佣佢唔制 仲话呢Ｄ系定例
而家地产真厉害 你话边个够佢威
炒家篇
唉~~
老衬亭下多傻仔 人买楼时佢又买
单位图纸未识睇 按揭杂费未识计
见到人龙就去排 大打出手要争位
炒楼炒到着晒迷 个市升时好世界
摸货转手好英伟 千万身家冇定洗
几百万楼唔驶睇 大手圈货先够威
楼市上落难预计 遇着个巿好低迷
成交数量好呆滞 新盘二手成街蟹
壮士断臂要够快 蚀让加佣都冇计
不过有人睇唔开 钱银始终放唔低
蚀本清货佢唔制 揽住蟹货唔肯卖
勉强上会周身债 挞定又系一身蚁
当年前仆兼后继 今时一铺清晒袋
投资总会有成败 蚀钱都要够光彩
输打赢要似契弟 当初冇人监你买
买楼唔系买棵菜 你情我愿冇问题
赢钱唔见有回馈 输钱响度嘈嘈闭（嘈闭：吵得要命）
又话示威又上街 一有机会就姓赖
用家篇
唉~~
香港买楼真感慨 楼价贵到冇得解
毕业出来一路捱 节衣缩食唔大洗（洗：应是“使”）
三年五载日月逝 储得个钱袋落袋
谂落年纪唔系细 娶个老婆生个仔
结婚点都要驶费 奶粉尿片都几贵（驶费：花钱。几：多么）
个仔慢慢会长大 帮人供楼唔实际
公屋超额冇得排 平价居屋又停卖
一家三口一齐捱 买层私楼住过世
九成按揭又唔抵 三成首期好闭翳
双亲最令我惭愧 借出首期好慷慨
跟住地产周围睇 九龙太贵搬新界
终于搵到心头爱 五百零呎好够使
按揭上会好襟计 优惠利率唔优惠
返工远Ｄ冇所谓 车钱贵Ｄ都冇计
为左个家可以捱 早Ｄ出门夜Ｄ归
有时谂落几悲哀 做人究竟有乜为
供楼搞到一身债 生活压力日夜继
辛辛苦苦似奴隶 一生劳碌为楼契
好在家人来鼓励 幸福知足最可贵 |
浙公网安备 33010802003832 )
发表于 2009-8-27 16:55
收藏
